Google ADS

Gruevski duhet të paraqitet në burgun e Kumanovës

13:08 | 23 Tetor 2018
A. B.

Ish-kryeministri dhe ish-kryetari i VMRO-DPMNE-së, Nikola Gruevski, dënimin me burg prej dy vjetësh do të duhet të mbajë në burgun e Kumanovës, ku më 9 nëntor do të duhet të paraqitet në këtë burg, mëson TV21 i Shkupit nga burime jozyrtare.

Megjithatë, pritet të shihet nëse ish-Kryeministri do të shpëtojë pa burg, pasi gëzon imuniteti si deputet, ndërsa dënimi është 2 vjet.

Ish-kryeministri u dënua për keqpërdorim të detyrës zyrtare gjatë blerjes së makinës luksoze “Mercedes” në vlerë prej 600 mijë eurove.

Është interesante se gjatë mandatit të tij, në vitin 2013 Gruevski hapi burgun e ri në Kumanovë, ku tani mund të vuajë dënimin./TV21/

 

Shpërndaje në rrjete sociale

Lajmet më të lexuara

Të ngjashme

Foto lajm